 |
| Cuberta do libro "O reino dos mil chanzos |
Agora que se achega
Nadal e Reis é unha boa ocasión para agasallar cun conto que visibiliza a
parálise cerebral, educa en valores e é un proxecto solidario.
A Federación ASPACE Castelán Leonesa atendeu a
miña suxestión sobre a publicación en galego do conto El reino de los mil escalones, escrito por Manuel Ferrero e
ilustrado por Laura Bécares, algo que agradecemos.
A través deste conto podemos conseguir
obxectivos coma educar no mundo dos valores en xeral, e en particular a
aceptación do diferente, a empatía, o degoiro de ser capaz e a liberación dos
prexuízos.
Este conto non comeza coma os outros cun Érase
unha vez, senón cun Déixame probar dunha vez. A protagonista é
Agostiña, unha rapaza con parálise cerebral que libera a unha vila dun xigante
malvado, metáfora da sociedade falta de empatía que despreza ao diferente ou
que non lle deixa acadar a autonomía a que ten dereito. Tódalas escenas, mitos,
persoas e clixés serven de escusa para que a protagonista ache o seu lugar no
mundo, non sen antes loitar moitísimo.
Realizamos unhas as actividades sobre o conto
O reino dos mil chanzos. A pretensión é potenciar a comprensión lectora, a
educación en valores e facer máis visibles ás persoas con parálise cerebral.
Dedicámoslle toda unha páxina a estas actividades ás que se pode acceder
facendo clic no enlace “O REINO DOS MIL CHANZOS. Actividades LIM)”, situado
despois do debuxo da cabeceira da bitácora. Aquí só imos incrustar o primeiro
libro de actividades a modo de exemplo. Tamén engadimos un ficheiro *pdf con
actividades de lapis e papel para imprimir.
É un proxecto solidario de ASPACE
(Asociacións de Atención a Persoas con Parálise Cerebral e Discapacidades
Afíns) de Castela e León que agora podemos desfrutar en galego. Os autores do
conto cederon os beneficios a ASPACE polo que o produto da venda vai parar
integramente a esta asociación.
O libro pódese pedir,
ademais das librerías de conto infantil, a:
- Editorial Lobo Sapiens
Teléfono 987 170 652
comercial@lobosapiens.net
- Federación ASPACE de Castilla y León
Teléfono 983 246 798
o na túa libraría
AVISO: Estas actividades han sido eliminadas a causa de la desaparición de Adobe Flash Player.
Enlaces
a los libros LIMs: El reino de los mil
escalones/O reino dos mil chanzos:
Entrevista
