III Congreso de Tecnoloxías de Atención á Diversidade na Educación Galega 2013

TADEGa (Tecnoloxías de Atención á Diversidade na Educación Galega) e CampUSCulturae organizan o III Congreso de Tecnoloxías de Atención á Diversidade na Educación Galega 2013. Celebrarase durante os días 8 e 9 de novembro de 2013 na Facultade de CC da Comunicación de Santiago de Compostela.

Os organizadores pretenden que o caracterice as seguintes notas:

Cartaz que anuncia as actividades de TADEGA para o curso 2013/14

• O protagonista non é a ferramenta (dixital ou non), é a persoa.
• A inclusión como obxectivo: o que non é para todos, non serve.
• A accesibilidade e usabilidade como condicións imprescindibles. O que non é accesible, impide a inclusión.
• A atención á diversidade é un reto, precisa axuda, e o obxectivo é brindala.

Os obxectivos parten das 4 necesidades básicas detectadas:

• Formación no aproveitamento do dixital e na atención á diversidade.
• Encontros para o intercambio de experiencias e recursos.
• Promoción dos valores da inclusión, da accesibilidade e da usabilidade.
• Investigar no desenvolvemento de ferramentas e servizos de utilidade.

O programa é o seguinte:

Venres

·         A irrupción das redes sociais, vantaxes e perigos.

·         Mesa redonda: Fracasa a Atención á Diversidade?

Sábado

Na xornada do sábado haberá 3 sesións de obradoiros simultáneos para que as persoas asistentes elixan libremente 3 títulos do seu interese de entre múltiples posibilidades:

·         Obradoiro ACCEGAL.

·         Plataformas escolares Edmodo.

·         Tablets e dispositivos móbiles Android.

·         Dispositivos móbiles Android e automatización de tarefas mediante NFC.

·         Experiencias de traballo con ANEAE na aula.

·         Comunicación total. Proyecto Habla Signada.

·         Proxecto Sígueme.

·         Proxecto PictoAplicaciones.com.

·         Obradoiro de solucións personalizadas con Arduíno.

·         Construción de pulsadores. CEAPAT.

·         Adaptación de xoguetes. CEAPAT.

·         BJ Adaptaciones.

·         Actividades de inclusión a través da danza.

Actuación de María Fumaça.

     Enlace ao sitio web de TADEGa.