Xandre, o elefante sen sombra. Un conto accesible

A asociación TADEGa, da que me honro ser membro, presenta este conto interactivo para nenos e nenas de 3 a 8 anos en diferentes sistemas comunicativos e soportes: texto en Galego e Castelán, pictogramas WIDGIT (marca comercial de pictogramas) como sistema de comunicación aumentativa á lingua escrita, o sistema Braille, e a lingua de signos española e galega así como as respectivas lecturas en audio.

Os obxectivos

· Contribuír á comprensión lectora.

· Familiarizar a todos no uso de diferentes sistemas de comunicación.

· Sensibilizar e fomentar no respecto á integración das alumnas e alumnos con necesidades educativas especiais.

· Proporcionar ás familias e ao profesorado axudas técnicas e materiais adaptados.

· Dar a coñecer o mundo da diversidade funcional facendo visibles as realidades que, a moitos de nós, pasan desapercibidas e ás que a sociedade precisa ver e sentir.

· Potenciar a accesibilidade e a adaptación dos contidos paraque todas e todos poidan gozar e se divertir.

Para acceder ao conto de Xandre (clic aquí)

Bitácora de TADEGa (clic aquí)