Aplicacións informáticas no eido do autismo

A Federación AUTISMO GALICIA organizará unhas Xornadas durante os días 12, 13 e 14 de decembro en Santiago de Compostela baixo o título “Aplicacións Informáticas no ámbito dos Trastornos do Espectro Autista”. A través destas xornadas tratarase de achegar os avances na tecnoloxía dentro dun campo tan descoñecido como é o das persoas con Trastornos do Espectro Autista (T.E.A.). Nestes días os relatores expoñerán a súa visión sobre aquelas aplicacións informáticas que constitúen unha innovación no campo da tecnoloxía e facilitan o traballo dos/as traballadores/as dos centros, contribuíndo así a mellorar a calidade de vida das persoas con T.E.A. e a das súas familias.